’’میں فلم میں یہ کام نہیں کر سکتا‘‘ سلمان خان کا دبنگ اعلان، سب کے دل جیت لئے

  بدھ‬‮ 11 اکتوبر‬‮ 2017  |  11:40

ممبئی(این این آئی) بالی ووڈ کے دبنگ سلمان خان نے اپنے بالی ووڈ کرئیرمیں ہرطرح کا کردارادا کیا لیکن وہ انڈسٹری میں کسی بھی کردار کے حوالے سے کوئی نہ کوئی اصول ہدایتکارکے سامنے رکھتے ہیں تاہم اب اگلی فلم میں اداکار نے بے باک مناظرکی عکسبندی سے صاف انکار کردیا ہے۔بھارتی میڈیا رپورٹس کے مطابق بالیووڈ اداکارسلمان خان نے کچھ عرصہ قبل ہی اس بات کا اعلان کیا تھا کہ اب وہ کسی بھی فلم میں منفی کردار سمیت بے باک مناظر کی عکسبندی نہیں کرائیں گے۔ اسی حوالے سے میڈیا رپورٹس کے مطابق سلمان خان نے اپنی نئی

آنے والی فلم’ ’ریس 3‘‘ کے لیے بھی کسی بھی قسم کے بے باک مناظر کی عکسبندی سے صاف انکار کرتے ہوئے کہا ہے کہ فلم مزاح پر مبنی ہونی چاہیے۔اداکار کا کہنا تھا کہ فلم کے ذریعے وہ مداحوں کی توجہ حاصل کرنا چاہتے ہیں، وہ نہیں چاہتے کہ فلم ایسی ہوکہ دیکھنے والے فلم دیکھنے کے دوران بے چین ہوجائیں یا اس میں ایسے کوئی مناظرنہ ہوں جو فیملی کے ساتھ نہ دیکھے جاسکیں جب کہ سلمان خان نے فلم کے ایک سین بھی کٹوادیا جس میں منشیات بھی دکھائی جاتی کیونکہ وہ نہیں چاہتے کہ بچے یا نوجوان منشیات کی جانب راغب ہوں۔

موضوعات:

آج کی سب سے زیادہ پڑھی جانے والی خبریں