لاہور ( این این آئی) فلمسٹار نور اور انکے شوہر ولی حامد کے درمیان طلاق کا فیصلہ آج ( منگل ) سنایا جائے گا ۔ تفصیلات کے مطابق فلمسٹار نور نے ایک سال قبل پٹیالہ گھرانے کے چشم و چراغ ولی حامد کے ساتھ شادی کی تھی مگر شادی کے کچھ عرصے کے بعد ہی دونوں میں اختلافات ہو گئے ۔ تین ماہ قبل دونوں کے درمیان اختلافات اس حد تک پہنچ گئے کہ نور نے ولی حامد سے خلع لینے کے لئے دعویٰ دائر کر دیا جس کا فیصلہ منگل کو سنایا جائے گا ۔

اس حوالے سے فلمسٹار نور نے ’’ این این آئی‘‘ سے خصوصی گفتگو کرتے ہوئے بتایا کہ میں نے شادی طلاق کے لئے نہیں کی تھی مگر حالات اس طرح کے ہو گئے کہ ہمارا ساتھ رہنا مشکل ہو گیا ، ہم دونوں نے حالات کو بہتر بنانے کے لئے بڑی کوششیں کی مگر وہ تمام بے سود ثابت ہوئیں اور آخری آپشن کے طور پر ہمارے پاس علیحدگی کے سوا کچھ نہیں تھا ۔ انہوں نے کہا کہ مجھے طلاق پر بہت افسوس ہے ، میری ولی حامد کے لئے دعا ہے کہ وہ اپنی زندگی میں خوش و خرم رہیں۔

موضوعات:نور