لاہور(مانیٹرنگ ڈیسک) لاہور میں اداکارہ مہوش حیات سے نازیبا سلوک، تفصیلات کے مطابق لاہور کے معروف مال میں معروف ماڈل اور فلم سٹار مہوش حیات عوام کے برے سلوک وجہ سے تقریب ادھوری چھوڑ کر چلی گئیں، لاہور کے معروف شاپنگ مال میں مہوش حیات ایک فلم کی تشہیری تقریب کے سلسلے میں مدعو تھیں، وہاں ان کے چاہنے والوں کی بڑی تعداد موجود تھی اس کے علاوہ میڈیا نمائندے بھی وہاں موجود تھے۔ اس تقریب میں ہجوم جگہ کی نسبت سے زیادہ ہوگیا، جس کی وجہ سے لوگوں نے

ایک دوسرے کو دھکے دینا اور بدتمیزی کرنا شروع کر دی، اس تقریب کی انتظامیہ نے حالات بگڑتے دیکھے تو اداکارہ مہوش حیات کو وہاں سے باہر نکالنے میں ہی عافیت جانی، مہوش حیات اس ساری صورتحال سے شدید خوفزدہ ہو گئیں تاہم گارڈز نے ان کو اپنے حصار میں لے رکھاتھا، وہاں موجود لوگوں نے میڈیا کے نمائندوں سے بھی بدتمیزی کی اور بات ہاتھ پائی تک جا پہنچی، مال انتظامیہ نے یہ ساری صورتحال دیکھتے ہوئے سمجھ داری کا مظاہرہ کیا اور پروگرام کو جلدی ختم کرکے حالات کو سنبھال لیا۔

موضوعات:مہوش حیات