ممبئی(مانیٹرنگ ڈیسک) بالی ووڈ کے کنگ خان نے کہا ہے کہ فلموں میں ناکامی یا عمر کے بڑھنے کی وجہ سے اداکاری کبھی نہیں چھوڑوں گا۔تفصیلات کے مطابق بالی ووڈ کے کنگ خان جنہیں انڈسٹری میں رومانوی اداکاری کے کنگ اپنی پہ در پہ ناکام فلموں سے پریشان ضرور ہیں مگر انہوں نے شوبز انڈسٹری کو نہ چھوڑنے کا فیصلہ کیا ہے۔شاہ رخ خان نے اپنی اداکاری سے مداحوں کو نہ صرف متاثر کیا بلکہ عرصہ دراز بالی ووڈ انڈسٹری پر راج بھی کیا، ایک وقت تھا کہ کنگ خان کی کوئی فلم ناکام نہیں ہوتی تھی مگر اب گزشتہ سالوں سے اُن کی فلمیں باکس آفس پر ناکام دکھائی دے رہی ہیں۔کنگ خان کی فلم دل والے اور باجی راؤ مستانی ایک ساتھ ریلیز ہوئیں مگر شاہ رخ کے مقابلے میں رنویر سنگھ مداحوں کو متاثر کرنے میں کامیاب رہے تھے

جبکہ حال ہی میں ریلیز ہونے والی فلم ’رئیس‘ بھی باکس آفس پر کامیابی حاصل کرنے میں ناکام رہی تھی۔اس تمام تر صورتحال کے باوجود شاہ رخ خان نے اپنے ایک حالیہ انٹرویو میں شوبز انڈسٹری نہ چھوڑنے کا اعلان کرتے ہوئے کہا کہ ’’میری عمر بڑھ رہی ہے اور فلمیں کامیاب نہیں ہورہی مگر میرا اداکاری چھوڑنے کا کوئی منصوبہ نہیں کیونکہ میں مداحوں کو اپنے خاندان کی طرح سمجھتا ہوں‘‘۔شاہ رخ نے اس عزم کا اظہار کیا کہ مجھے یقین ہے کہ پوری زندگی اداکاری کرسکتا ہوں چاہیے برا کردار کی کیوں نہ ادا کروں، اپنی زندگی کی آخری سانس تک شوبز انڈسٹری سے وابستہ رہنا چاہتا ہوں اس لیے کبھی اداکاری چھوڑنے کا تصور ہی نہیں کیا۔

موضوعات:شاہ رخ خان