گجرات(این این آئی)بھارتی ریاست گجرات کی عدالت نے گزشتہ روز بولی وڈ سْپر اسٹار شاہ رخ خان کوفلم’رئیس’کی تشہیر کے سلسلے میں ودودرااسٹیشن پر ایک شخص کی ہلاکت کے باعث ریلوے پولیس کی جانب سے ثمن جاری کیا ہے۔بھارتی ویب سائٹ کے مطابق جسٹس جے بی پاردی والا نے ثمن جاری کیا جس میں خان کوبیان ریکارڈ کروانے کیلئے آفس طلب کیا گیا ہے ٗشاہ رخ نے ثمن کو ہائی کورٹ میں

چیلنج کیا ہے۔شاہ رخ کے وکیل سلیل ٹھاکر نے دلیل دی کہ سی آر پی سی کے تحت جاری کیا جانیو الا ثمن کسی بھی ایسے شخص کو جاری نہیں کیا جاسکتا جو تھانے کی حدود میں نہ آتا ہوجس کے بعد عدالت نے سماعت 4 اگست تک کیلئے ملتوی کردی۔واضح رہے کہ شاہ رخ خان اور پاکستانی اداکارہ ماہرہ خان کی فلم ‘رئیس’کی تشہیر کے سلسلے میں شاہ رخ خان نے 23 جنوری کواگست کرانتی ایکسپریس میں ممبئی سے دہلی تک سفر کیا تھا ،گجرات کے ودودراریلوے اسٹیشن پر لوگوں کا ہجوم موجود تھا جو خان کی ایک جھلک دیکھنے کیلئے وہاں آئے تھے۔بے تحاشہ لوگوں کے باعث اسٹیشن پر بھگدڑ مچ گئی جس میں ایک مقامی رہائشی فرید خان شیرانی طبیعت زیادہ خراب ہونے اور دم گھٹنے کے باعث جان کی بازی ہار گیا تھا ۔

موضوعات:شاہ رخ خان