ملتان (مانیٹرنگ ڈیسک) مقتول ماڈل قندیل بلوچ کے والدین کومکان کاکرایہ ادانہ کرنے پرمالک مکان نے گھرسے نکال دیاہے ۔ایک نجی ٹی وی کے مطابق مقتول ماڈل قندیل بلوچ کے والدین کومالک مکان نے اس لئے گھرسے نکالاہے کہ وہ اس کے مکان کاکرایہ ادانہیں کرسکے ۔قندیل بلوچ کے قتل کے بعد اس کے والدین شدیدمالی مسائل کاشکارہیں اورکوئی ذریعہ آمدن نہ ہونے کی وجہ سے اب ان کےلئے کرائے کے مکان

میں رہناتک مشکل ہوگیاہے جبکہ ان کے دوسرے مالی مسائل الگ سے ہیں ۔قندیل بلوچ زندہ تھی تووہ اپنے والدین کے اخراجات برداشت کرتی تھی لیکن قندیل بلوچ کے قتل کے بعد اس کے والدین کاکوئی پرسان حال نہیں اوردربدرکی ٹھوکریں کھانے پرمجبورہیں اورانکے پاس رہنے کےلئے چھت تک بھی نہیں رہی ہے ۔واضح رہے کہ قندیل بلوچ کومبینہ طورپراس کے بھائی نے غیرت کے نام پرقتل کردیاتھا

موضوعات:قندیل بلوچ