اسلام آباد(مانیـٹرنگ ڈیسک) بھارت میں مصر سے آئی دنیا کی سب سے موٹی اور وزنی خاتون ایمان احمد ابولاتی نے دبنگ خان سے ملاقات کی خواہش کا اظہار کر دیا سلمان خان اپنی اس مداح کو ملنے کیلئے رضامند ۔تفصیلات کے مطابق ایمان احمد ابولاتی مصر کی رہائشی ہے جو موٹاپے کا علاج کرانے بھارت آئی ہوئی ہے ۔

ایمان کا وزن تقریبا 500 کلو گرام ہے اور ایمان بھارت میں سرجری کروانے کی غرض سے ممبئی کے ایک اسپتال میں زیر علاج ہے۔ ایمان کئی دنوں سے بالی وڈ کے گانے سن رہی تھی ۔ ڈاکٹرز نے ایمان سے جب ان کے پسندیدہ فلمسٹار سے متعلق سوال کیا تو انہوں نے سلمان خان کا نام لیا اور ان سے ملاقات کی خواہش ظاہر کی ۔ اسپتال ذرائع کے مطابق سلمان خان کے فیملی ڈاکٹر سے جب اس ضمن میں بات کی گئی تو سلمان خان نے ایمان سے ملاقات پر آمادگی ظاہر کی ہے۔

موضوعات:آپریشن دنیا کی موٹی لڑکی سلمان خان موٹی لڑکی