لاہو ر(این این آئی) مسلم لیگ(ن)پنجاب کی سیکرٹری اطلاعات عظمی بخاری نے کہا ہے کہ عمران خان عدم اعتماد کا ڈرامہ اب بند کریں،ہمت کریں اور اسمبلیاں توڑیں،ہینڈ سم وزیراعظم کو اپنی اوقات لگ پتہ جائے گی۔ اپنے بیان میں انہوںنے کہاکہ نالائق خادمہ صاحبہ نالائق اعظم کی رخصتی کا وقت آگیا ہے،خادمہ جی آپ کا کمانڈر سیف گارڈ حفیظ شیخ اب کسی منہ دیکھانے کے لائق نہیں رہا۔عمران خان عدم اعتماد کا ڈرامہ اب بند کریں،ہمت کریں اور اسمبلیاں توڑیں،ہینڈ سم وزیراعظم کو اپنی اوقات لگ پتہ جائے گی۔فردوس باجی کے پی کے،سندھ اور بلوچستان

میں حکومت کے اتحاد رو رہے ہیں۔عمران نیازی نے اپنے اتحادیوں کی پیٹھ میں چھرا گھونپا ہے۔عمران نیازی انہی اتحادیوں سے کس منہ سے اعتماد کا ووٹ مانگیں گے۔حفیظ شیخ کی شکست اصل میں عمران خان کی شکست ہے۔پی ٹی آئی کے ارکان نے کل عمران خان پر عدم اعتماد کا اظہار کھلے عام کردیا ہے۔پاکستان میں اب آئین کی حکمران اور سویلین بالادستی کا ہی راج ہوگا۔کوئی سویلین ڈکٹیٹر یا مسلط شدہ گھوڑا بائیس کروڑ پاکستانیوں کا لیڈر نہیں بن سکتا۔پیراشوٹر ترجمان اپنے ٹکٹ بک کرالیں ان کی نوکریاں خطرے میں ہیں۔

موضوعات:عمران خان