کشکول توڑنے والوں نے اڑھائی سال میں 14ہزار ارب کا قرضہ لے لیا

16  جنوری‬‮  2021

پشاور(آن لائن)عوامی نیشنل پارٹی کے مرکزی سینئر نائب صدر امیرحیدر خان ہوتی نے کہا ہے کہ موجودہ حکمرانوں کی نااہلی کی وجہ سے پاکستان دنیا بھر میں تنہا ہوچکا ہے۔کشکول توڑنے والوں نے ڈھائی سال میں 14ہزار ارب کا قرضہ لیا۔ 1947 سے 2018تک پاکستان کا کل قرضہ 30 ہزار ارب تھا لیکن موجودہ حکومت نے

اپنے دورحکومت میں 14 ہزار ارب کا اضافہ کیا۔ مردان بجلی گھر میں تنظیمی عہدیداران سے خطاب کرتے ہوئے سابق وزیرراعلیٰ اور اے این پی کے مرکزی سینئر نائب صدر امیرحیدر خان ہوتی نے کہا کہ اس وقت پاکستان دنیا میں تنہائی کا شکار ہے۔ یہاں تک کہ چین اور سعودی عرب جیسے دوست بھی ناراض ہوچکے ہیں۔ چین کو پاکستان کی ضرورت ہے کیونکہ انہیں سی پیک کیلئے پاکستان کا راستہ چاہئیے اور وہ درآمدات و برآمدات کیلئے بندرگاہ کی سہولت چاہئیے۔ ایران، سعودی عرب، متحدہ عرب امارات سمیت تمام ہمسایہ ممالک پاکستان سے ناراض ہیں اور ان حکمرانوں پر کوئی اعتماد نہیں رہا۔ امیرحیدر خان ہوتی نے کہا کہ موجودہ حکمرانوں کی ناقص پالیسیوں کی وجہ سے مہنگائی کی شرح روز بروز بڑھتی چلی جارہی ہے۔ لوگ بے روزگار ہورہے ہیں ،اس ملک میں سب کچھ مہنگا ہے لیکن شہدا اور بالخصوص پشتونوں کا خون سستا ہوچکا ہے۔ نوازشریف کو چور چور کہنے والے دیکھ لیں کہ انکی حکومت میں آٹے کے تھیلے کی قیمت کہاں تک پہنچ چکی ہے، چینی کی قیمت کیا ہے اور پٹرولیم مصنوعات کی قیمتوں میں مہینے میں دو بار اضافہ کیا جارہا ہے۔سانحہ مچھ اور وزیراعظم کے رویے پر تنقید کرتے ہوئے اے این پی کے مرکزی سینئر نائب صدر نے کہا کہ بلوچستان میں ہزارہ برادری ایک ہی مطالبہ کررہے

تھے کہ وزیراعظم آئے اور انکے غم میں شریک ہو لیکن سلیکٹڈ وزیراعظم نے انکے مطالبے کوبدمعاشی اور بلیک میلنگ کا نام دیا۔ اے این پی دورحکومت میں جب پولیس جوان شہید ہوتا تو بحیثیت وزیراعلیٰ خود جنازے کو کندھا دیا ، آج انکی حالت یہ ہے کہ غم میں شریک ہونے کیلئے لواحقین کو اپنے دفتر بلارہے ہیں۔

باچاخان اور ولی خان کی برسیوں کے حوالے سے امیرحیدر خان ہوتی نے کہا کہ 23جنوری کو عوامی نیشنل پارٹی پشاور میں بڑا جلسہ عام کرنے جارہی ہے جس میں ہزاروں کی تعداد میں کارکنان شرکت کریں گے اور اس نااہل حکومت کے خلاف ایک بار پھر اپنا فیصلہ سنائیں گے۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…