اسلام آباد (این این آئی)پاکستان مسلم لیگ (ن) کے مرکزی رہنما خواجہ آصف نے کہا ہے کہ اس وقت بہت سے ادارے ٹکرا رہے ہیں،اداروں کے ٹکراؤ سے نقصان ریاست کا ہو گا۔ایک انٹرویومیں سابق وزیر خارجہ خواجہ آصف نے کہا کہ

اداروں کو بیٹھ کر آپس میں معاملات ٹھیک کرنے چاہئیں۔ایک سوال کے جواب میں خواجہ آصف نے کہا کہ اس وقت معاملہ مفاہمت کی جانب جاتا نظر نہیں آرہا ہے۔ انہوں نے کہا کہ مشرقی پاکستان بھی ذاتی مفادات کی وجہ سے ٹوٹا تھا۔ انہوں نے الزام عائد کیا کہ عمران خان نے میرے مخالفین کے ذریعے مجھے نقصان پہنچانے سے متعلق بات کی۔ن لیگ کے مرکزی رہنما خواجہ آصف نے الزام لگایا کہ میرے گھر کے باہر مظاہرہ کرنے، ایکسیڈنٹ کروانے اور میری اہلیہ کو گاڑی سے نکالنے کی باتیں کی گئیں۔سابق وزیر دفاع خواجہ آصف نے کہا کہ آرمی چیف نے میرے حلقے میں یقین دہانی کروائی تھی کہ وہاں دھاندلی نہیں ہوگی۔ایک اور سوال کے جواب میں کہا کہآرمی چیف کی ایکسٹینشن کا فیصلہ اس وقت کے حالات کے مطابق درست تھا۔ن لیگ کے مرکزی رہنما خواجہ آصف نے واضح طور پرکہا کہ ملک کوآئین اور قانون کے مطابق چلانے کے علاوہ کوئی دوسرا راستہ نہیں ہے۔

موضوعات:خواجہ آصف