اسلام آباد (آن لائن)صحافی مطیع اللہ جان کے خلاف توہین عدالت کا معاملہ،عدالت نے صحافی مطیع اللہ جان کو نوٹس جاری کردیا ہے۔اٹارنی جنرل اور صدر سپریم کورٹ بار ایسوسی ایشن کو بھی عدالتی معاونت کے لیے نوٹس دیا گیا ہے۔ کیس کی سماعت چیف جسٹس کی سربراہی

میں تین رکنی بینچ نے کی۔عدالت نے نوٹسز جاری کرتے ہوئے کیس کی سماعت ایک ہفتے کے لیے ملتوی کر دی۔یاد رہے کہ مطیع اللہ جان نے دس جولائی کو ٹویٹر پر اپنے اکاؤنٹ سے ایک ٹویٹ کیا جس میں بظاہر عدالت عظمیٰ کے ججز اور عدالت کے خلاف تکلیف دہ الفاظ استعمال کیے گئے۔

موضوعات:مطیع اللہ جان