کراچی(این این آئی)تحریک انصاف کے رکن قومی اسمبلی عامر لیاقت حسین نے سماجی رابطوں کی ویب سائٹ ٹویٹرپراپنے پیغام میںاپنی ہی پارٹی کے رہنمائوں سے کراچی کیلئے آواز بلند نہ کرنے پر شکوہ کیاہے۔عامر لیاقت حسین نے اپنے ٹویٹ میں لکھا ہے کہ گورنر سندھ عمران اسماعیل کراچی کے حالات پر خاموش بیٹھے ہیں۔انہوں نے صدر پاکستان ڈاکٹرعارف علوی کو مخاطب کرتے ہوئے کہا کہ

اس شہر سے آپ بھی منتخب ہوئے لیکن آپ کی بھی آوازبند ہے۔پی ٹی آئی رکن قومی اسمبلی نے اپنی پارٹی کے وفاقی وزیراور کراچی سے رکن قومی اسمبلی علی حیدر زیدی کو بھی تنقید کا نشانہ بنایا اور کہا کہ علی حیدر بھی جے آئی ٹی سے آگے کچھ نہیں دیکھ رہے۔عامرلیاقت حسین نے کہا کہ یہ سب اپنے آپ کو کراچی والے کہتے ہیں،انہیں نظر نہیں آرہا کہ پورے شہرکا کیا حشر ہوچکا ہے؟۔

موضوعات:عامر لیاقت حسین