اسلام آباد (مانیٹرنگ ڈیسک )پیمرا نے چینل 24 کی نیوز اور کرنٹ افئیر کی نشریات جاری کردہ لائسنس اور قوانین کی خلاف ورزی پر معطل کر دیں۔ پیمرا کی جانب سے پریس ریلیز میں کہا گیا ہے کہ پیمرا نے سینٹرل میڈیا نیٹ ورک پرائیویٹ لمیٹڈ کمپنی کو جاری شدہ لائسنس فوری طور پر

معطل کرنے کے احکامات جاری دیئے ۔ یاد رہے کہ سینٹر میڈیا نیٹ ورک جاری شدہ لائسنس کے تحت ویلیوٹی وی چینل پر انٹرینمنٹ سے متعلق مواد چلانے کا مجاز تھا جبکہ کمپنی تمام پیمرا قوانین کی خلاف ورزی کرتے ہوئے غیر قانونی طور پر 24نیوز کے نام سے نیوز اینڈ کرنٹ افیئرز پر مبنی مواد نشر کر رہا ہے ۔ پیمرا کے بارہا منع کرنے اور متعدد نوٹسز جاری کرنے کے باوجود سینٹرل میڈیا نیٹ ورک نے چینل میں نشریات میں نیوز کرنٹ افیئرز سے متعلق پروگرام جو کہ پیمرا قوانین کی خلاف ورزی ہیں ،جاری رکھیں ۔ اس ضمن میں 7 مئی کو اظہار وجوہ کا نوٹس جاری کیا تھاجس کے تحت کمپنی کو نیوز وکرنٹ افئیرز مواد فوری طور پر بند کرنے اور منظور شدہ انٹرٹینمنٹ مواد نشر کرنے کے احکامات جاری کئے تھےتاہم متعدد مواقع فراہم کرنے کے باوجود چینل پیمرا کے احکامات پر عملدآمد کرنے میں ناکام رہا ۔ تمام تر قانونی تقاضوں کو پورا کرتےہوئے اتھارٹی نےسینڑل میڈیا نیٹ ورک پرائیویٹ لمیٹیڈ کو جاری شدہ لائسنس فوری طور پر معطل کر دیا ہے ۔ تا وقت کہ نشریات میں منظور شدہ پروگرامنگ مکس جو کہ ’’ انٹرٹینمنٹ ‘‘ ہے کہ مطابق چلانے کی یقین دہانی نہیں کرائی جاتی ۔

پیمرا نے چینل 24 کی نیوز اور کرنٹ افئیر کی نشریات جاری کردہ لائسنس اور قوانین کی خلاف ورزی پر معطل کر دیں pic.twitter.com/5UOb6pEZCL

— Report PEMRA (@reportpemra) July 3, 2020

موضوعات:پیمرا نیوز 24 لائسنس معطل