اسلام آباد (این این آئی)فردوس عاشق اعوان کو وزیراعظم کی معاون خصوصی برائے اطلاعات کے عہدے سے ہٹانے سے متعلق سوال کے جواب میں وفاقی وزیر سائنس اینڈ ٹیکنالوجی فواد چوہدری ہنس پڑے۔ ایک انٹرویومیں فواد چوہدری نے کہاکہ فردوس اعوان کو منصب سے ہٹانے میں تاخیر ہوئی ہے۔

وفاقی وزیر سائنس اینڈ ٹیکنالوجی نے کہا کہ وزیراعظم نے فیصلہ کرنے میں وقت لیا، وہ جتنا عرصہ رہیں ان کی کارکردگی پر سوالیہ نشان رہے ہیں۔جب فواد چوہدری سے سوال کیا گیا کہ فردوس اعوان کو معاون خصوصی کے عہدے سے ہٹانے سے قبل واٹس ایپ گروپ سے کیوں نکالا گیا ہے جس پر فواد چوہدری ہنس پڑے اور اس بات کی کوئی وضاحت نہیں دی۔ واضح رہے کہ گزشتہ روز فردوس عاشق اعوان کو وزارت اطلاعات کے عہدے سے ہٹا دیا گیا تھا۔ فردوس اعوان کی جگہ پر لیفٹیننٹ جنرل (ر) عاصم سلیم باجوہ کو معاون خصوصی برائے اطلاعات لگادیا گیا جبکہ سینیٹ میں قائد اعوان شبلی فراز کو نیا وزیر اطلاعات و نشریات بنادیا گیا ۔

موضوعات:فواد چوہدری وفاقی وزیر