راولپنڈی (این این آئی)کروٹ پروجیکٹ پر کام کرنے والے چینی باشندوں کی سکریننگ کو مکمل کرلیاگیا۔ ڈپٹی کمشنر راولپنڈی نے کہاکہ کسی بھی چینی باشندے میں کرونا وائرس کے پائے جانے کی تشخیص نہیں ہوئی، ڈاکٹرز کی ٹیم نے کروٹ منصوبہ پر کام کرنے والے چینی باشندوں کو تسلی سے چیک کیا۔ کیپٹن ریٹائرڈ انوار الحق نے کہاکہ نیو آئر پر چین جانے والے باشندوں کو واپس نہیں بھیجا گیا،جب تک

کرونا وائرس کا چین میں خاتمہ نہیں ہو جاتا تب تک وہ پراجیکٹ پر واپس نہیں آ سکتے۔ انہوں نے کہاکہ ڈاکٹروں کی دوسری ٹیم کو آزاد پتن بھیج دیا گیا ہے، آزاد پتن میں بھی دوسرے پراجیکٹ پر چینی باشندوں کی اسکینگ کی جائے گی۔ڈی سی راولپنڈی نے کہاکہ آزاد پتن بھی کہوٹہ سے تھوڑا فاصلہ پر واقعہ ہے جہاں سی پیک کا کام جاری ہے،پنجاب حکومت کی جانب سے مکمل کوشش ہے کہ کرونا وائرس کو روکا جائے۔

موضوعات:کروٹ پروجیکٹ کرونا وائرس