لاہور(این این آئی) مسلم لیگ (ن) پنجاب کے صدر رانا ثنا اللہ نے کہا ہے کہ میرا عمران خان سے کوئی ذاتی جھگڑا نہیں لیکن سیاسی طور پر کوئی ناراضگی ہو سکتی ہے۔نجی ٹی وی سے گفتگو کرتے ہوئے انہوں نے کہا کہ حکومت نے خود دعوی کیا تھا کہ ویڈیو موجود ہے، نیٹ ورک کے دیگر کارندے کہاں ہیں؟۔انہوں نے کہا کہ میں آج بھی اپنے لیڈر محمد نواز شریف کے ساتھ کھڑا ہوں۔ایک سوال کا

جواب دیتے ہوئے رانا ثنا اللہ نے کہا کہ مجھے میڈیکل کی بھی سہولت نہیں تھی۔ جیل حکام نے سہولیات نہ دینے بارے پہلے ہی بتا دیا تھا۔ بیمار نہیں تھا اس لیے میں بیمار بھی نہیں بنا۔ مجھے ڈاکٹر نے پہلے ہی کہہ دیا تھا کہ ہسپتال نہیں جانے دیں گے۔انہوں نے کہا کہ میں چھ ماہ تک جیل میں رہا، خواجہ سعد رفیق، فواد حسن فواد اور سلمان رفیق بھی اسی جیل میں تھے لیکن کبھی ملاقات نہیں ہوئی۔

موضوعات:رانا ثنا اللہ