اختیارات کا ناجائز استعمال اور مالی بے ضابطگیاں ، نواز شریف کے انتہائی قریب سمجھے جانے والے ساتھی کو عہدے سے ہٹانے کی تیاریاں، ن لیگی رہنما نے بھی خاموشی توڑتے ہوئے بڑا اعلان کر دیا

30  دسمبر‬‮  2019

اسلام آباد ( آن لائن)حکومت نے سابق وزیر اعظم میاں نواز شریف کے انتہائی قریبی سمجھے جانے والے میئر اسلام آباد انصر عزیز شیخ کو ہٹانے پر غور شروع کر دیا ہے ۔سرکاری ذرائع نے نام ظاہر نہ کرنے کی شرط پر بتایا کہ حکومت لوکل گورنمنٹ کمیشن ایکٹ 2015 کے تحت میئرکو معطل کر سکتی ہے۔اس آئین کی منظوری وفاقی کابینہ نے دی تھی جس میں اختیارات کے ناجائز استعمال کی

تحقیقات کے لئے کمیشن تشکیل دینے کی اجازت دی گئی ہے اس قانون کے تحت حکومت کمیشن تشکیل دینے کی سفارش کر سکتی ہے ،یہ کمیشن شفاف انکوائری کیلئے میئر کو کم از کم 90 دن کے لئے معطل کر سکتا ہے ۔عہدیدار کا کہنا تھا کہ شیخ انصر عزیز پر اختیارات کے ناجائز استعمال مالی بے ضابطگیوں سمیت دیگر الزامات عائد ہیں جس پر حکومت نے ان کے خلاف تحقیقات کا فیصلہ کیا ہے اگر ان پر یہ الزامات ثابت ہوگئے تو حکومت اس کمیشن کی سفارشات پر میئر کے خلاف مناسب کارروائی عمل میں لا سکتی ہے جس میں ان کو عہدے سے ہٹانا بھی شامل ہے تاہم اس سلسلے میں وزیر اعظم کے سی ڈی اے امور سے متعلق معاون خصوصی علی اعوان سے رابطہ کیا گیا تو انہوں نے ان پر کسی قسم کا رد عمل نہیں دیا ۔دوسری جانب ایک سینئر حکومتی عہدیدار نے نام ظاہر نہ کرنے کی شرط پر بتایا کہ حکومت اختیارات کے ناجائز استعمال اور مالی بے ضابطگیوں کے پیش نظرمیئر کو معطل یا عہدے سے ہٹا سکتی ہے ۔ذرائع کا کہنا ہے کہ میئر پر بینک اکائونٹس بنانے ،سرکاری گاڑیوں کو میئر آفس کی اجازت کے بغیر ذاتی استعمال میں لانے اور میرٹ کے بغیر تقرر و تبادلے کرنے ،2018 میں اپنی من پسند افراد کو سینٹی ٹیشن معاہدے دینے سمیت دیگر الزامات عائد ہیں تاہم اس سلسلے میں میئر اسلام آباد انصر عزیز شیخ سے رابطہ کیا گیا تو انہوں نے ان تمام الزامات کو جھوٹا اور بے بنیاد قرار دیا ۔جب ان سے حکومت کی جانب سے کمیشن تشکیل دینے کے حوالے سے سوال کیا گیا تو انہوں نے کہا کہ

میرا نہیں خیال کہ کمیشن تشکیل دیا جائے یا یہ لوکل گورنمنٹ ایکٹ کا حصہ ہے ،انہوں نے کہا کہ ایم سی آئی نومبر2015 لوکل گورنمنٹ الیکشن ہونے کے بعد تشکیل پائی ۔واضح رہے کہ شیخ انصر عزیز کا تقرر اس وقت کی حکمران جماعت نواز لیگ نے کیا تھا اور شخ انصر عزیز اسلام آباد کے پہلے میئر منتخب ہیں ۔ادھر آزاد ذرائع کا کہنا ہے کہ ایم سی آئی ان توقعات پر پورا نہیں اتر سکی جو ان سے وابستہ تھی اورنہ ہی موجودہ حکومت  پی ٹی آئی حکومت کی جانب سے کارپوریشن کو چلانے کے لئے فنڈز دیئے جارہے ہیں ۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…