اسلام آباد (این این آئی)وفاقی وزیر مراد سعید نے دعویٰ کیا ہے کہ پاکستان سیاحت کے حوالے سے نمبرون ملک بن گیا ہے۔وزیراعظم عمران خان کے معاون خصوصی شہزاد اکبر کے ہمراہ نیوز کانفرنس سے خطاب میں مراد سعید نے کہاکہ احسن اقبال کے بھائی کو تمام قواعد نظر انداز کرکے ٹاسک فورس کا چیئرمین بنایا گیا،پھر 9 ٹھیکے دے کر انہیں نوازا گیا۔انہوں نے کہاکہ ایک پروجیکٹ میں ملک کو 50 ارب سے زائد کا نقصان پہنچایا گیا۔ انہوکں نے کہاکہ عمران خان نے ملکی معیشت کو ایک سال میں آئی سی یو

سے نکالا ہے۔وفاقی وزیر نے مزید کہاکہ ملک میں احتساب کا شعور عمران خان نے دیا،کرپشن کے خاتمے کے لیے حکومتی اقدامات سامنے ہیں۔انہوں نے کہاکہ ہم نئی بات نہیں کریں گے،2023ء تک یادلاتے رہیں گے کہ آپ کس قسم کا پاکستان چھوڑ کرگئے تھے۔مراد سعید نے کہاکہ پاکستان سیاحت کے حوالے سے نمبرون ملک بن گیا ہے،کاروبار میں آسانی میں 28درجے ترقی کی۔انہوں نے کہاکہ عمران خان کی قیادت میں مشکل وقت سے نکل آئے ہیں 11 اعشاریہ 9 ارب کی ریکوری ہوچکی ہے۔

موضوعات:مراد سعید