اسلام آباد (مانیٹرنگ ڈیسک)معروف صحافی اور سینئر تجزیہ کار صابر شاکر نے دعویٰ کیا ہے کہ آرمی چیف کی ملازمت میں توسیع کے حوالے سے اپوزیشن حکومت کے ساتھ چلنے کو تیار ہے۔ وزیراعظم عمران خان کی وزیراعلیٰ سندھ سے مشترکہ مفادات کونسل کے اجلاس کے موقع پر ہونے والی ملاقات کے دوران پیپلزپارٹی نے پیغام بھجوایا کہ حکومت کے ساتھ ملکر کام کرنے کو تیار ہیں۔ ایک ہی روز قبل

عمران خان پر برسنے والے پیپلزپارٹی کے چیئرمین بلاول بھٹو نے بھی ملکر کام کرنے کا پیغام بھجوایا۔صابر شاکر کا کہنا ہے کہ مسلم لیگ ن کی رہنما مریم اورنگزیب نے بھی معاملات کو بہتر کرنے کیلئے کہا ہے اور پیغام بھجوایا ہے کہ آرمی چیف کی مدت ملازمت پر قانون سازی کو تیار ہیں، تاہم مریم نواز کو باہر جانے کی اجازت دی جائے اور وزیراعظم عمران خان سے جان چھڑا دی جائے۔

موضوعات:صابر شاکر