لاہو ر(این این آئی) پیپلز پارٹی نے وزیراعظم کے عمران خان کے بھانجے حسان نیازی کی گرفتاری کا مطالبہ کرتے ہوئے کہاکہ پی آئی سی حملے کے مرکزی ملزم حسان نیازی کو فوری گرفتار کیا جائے ،پی آئی سی پر حملے کا بڑا کردار وزیراعظم عمران خان کا بھانجا ہے۔ پیپلزپارٹی پنجاب کے پارلیمانی لیڈر سید حسن مرتضی نے کہاکہ اگر عام وکیل گرفتار ہوئے تو ثبوت ہونے کے باوجود وزیراعظم کا بھانجا کیسے بچ گیا۔عمران خان کا یہی بھانجا انتخابی دھاندلی میں ملوث رہا ، عمران خان کی بہنیں اور

بھانجے اس کے فرنٹ لیڈی اور فرنٹ مین ہیں،تمام تر ثبوت سامنے آ چکے مگر ابھی تک ان کے بھانجے کو گرفتار نہیں کیا گیا۔واردات عمران خان کے بھانجے کی تھی اور الزام اپوزیشن پر لگایا گیا،اب بھی اگر بھانجا گرفتار نہ ہوا تو سمجھا جائے گا کہ عمران خان خود ان کا سرپرست ہے۔ انہوںنے کہاکہ دو نہیں ایک پاکستان کا نعرہ لگانے والا اپنے بھانجے کی پشت پناہی کر رہا ہے، دو پاکستان ہیں ، عمران خان، ان کہ بہن اور بھانجے کیلئے ایک اور دیگر کیلئے دوسرا پاکستان ہے۔

موضوعات:اپوزیشن حسان نیازی عمران خان