رحیم یارخان(این این آئی)پاکستان تحریک انصاف کے مرکزی رہنماجہانگیرترین نے کہاہے کہ عمران خان ہی 2023ء تک وزیر اعظم ہیں‘حکومت کر پشن‘ظلم‘ناانصافی اور معاشی مسائل کو پاکستان سے ’’مائنس‘‘ کر دیگی‘حکومت‘تمام ادارے اور عوام ملکی ترقی وخوشحالی کیلئے ایک پیج پر ہیں۔ اسلام آباد میں رحیم یار خان  سے تعلق رکھنے والے ممبرقومی اسمبلی چوہدری جاویداقبال وڑائچ سے ملاقات کے دوران گفتگوکرتے ہوئے انہوں نے کہا کہ ماضی کے حکمرانوں نے ملک کو معاشی بحران‘ کر پشن‘لوٹ مار‘مہنگائی

اور بے روزگاری جیسے مسائل کے سواکچھ نہیں دیا اسی لیے عوام نے اپنے ووٹ کی طاقت سے اپوزیشن جماعتوں کو عام انتخابات میں مستر دکرتے ہوئے تحر یک انصاف کی قیادت پر اعتماد کا ظہار کیا ہے ۔انہوں نے کہا کہ اپوزیشن کو یہ بات سمجھ لینی چاہیے کہ تحر یک انصاف عوام کے ووٹوں سے اقتدار میں آئی ہے اورعوام نے ہمیں پانچ سال حکومت کر نے کا مینڈ یٹ دیا ہے ۔انہوں نے کہا کہ تحر یک انصاف عمران خان اور عمران خان تحر یک انصاف ہیں ،اپوزیشن مائنس ون کے خواب دیکھنا چھوڑ دیں۔‎

موضوعات:جہانگیرترین