لاہور( آن لائن)لاہور ہائیکورٹ میں پارک ویو سوسائٹی کے متاثر ین نے ڈی جی نیب لاہور سلیم شہزاد کیخلاف توہین عدالت کی درخواست دائر کر دی۔ متاثرین  نے عدالت میں دائر کی گئی درخواست میں  ڈی جی نیب لاہور سلیم شہزاد کو فریق بناتے ہوئے موقف اپنایا کہ علیم خان کی پارک ویو سوسائٹی میں 2018 میں پلاٹ خریدے تاہم ابھی تک قبضہ نہیں ملا، اس پر عدالت نے 31 نومبر 2019 کو نیب کو احکامات جاری کیے تھے جن پر ڈی جی نیب لاہورنے 1 ماہ اور 3 دن گزرنے کے باجود عمل درآمد نہیں کیا۔درخواست گزاروں نے موقف اختیار کیا کہ

علیم خان اور دیگر نے جھانسہ دے کر جعلی نقشہ جات اور ایل ڈی اے سے منظوری کے بغیر پلاٹس فروخت کیے، ہمیں سبز باغ دیکھا کر ہماری عمر بھر کی جمع پونجی لوٹ لی گئی، اب تک مذکورہ سوسائٹی میں ہزاروں افراد سے1 ارب تک کا فراڈکیا جا چکا ہے۔متاثرہ افراد نے کہا کہ پلاٹوں کی تمام قسطیں جمع کروا چکے ہیں نیب کو تمام ریکارڈ بھی فراہم کردیا ہے، لیکن نیب لاہور کیجانب سے انکوائری کو التوا میں ڈال دیا گیا جو سمجھ سے بالاتر ہے، عدالتی احکامات ہر عملدرا?مد نہ کرنے پر ڈی جی نیب کیخلاف توہین عدالت کی کارروائی کی جائے۔‎

موضوعات:ڈی جی نیب لاہور سلیم شہزاد