اسلام آباد (این این آئی) اسلام آباد ہائی کورٹ نے پی ٹی آئی غیر ملکی فنڈنگ کیس میں پی ٹی آئی کی مزید دستاویزات جمع کرانے کی متفرق درخواست منظور کرلی ۔ جسٹس محسن اختر کیانی نے پی ٹی آئی کی درخواست منظور کی۔ عدالت نے الیکشن کمیشن میں زیرالتوا پی ٹی آئی غیر ملکی فنڈنگ کیس کی تفصیلات عدالتی ریکارڈ کا حصہ بنانے کا ہدایت کی ۔

عدالت نے ثقلین حیدر اعوان کے لا آفیسر مقرر ہونے کا نوٹیفکیشن بھی عدالتی ریکارڈ کا حصہ بنانے کی ہدایت کی ۔پی ٹی آئی کو 2017 میں اسی عدالت میں دائر درخواست کی تفصیلات جمع کرانے کی اجازت بھی مل گئی ۔ یاد رہے کہ پی ٹی آئی نے الیکشن کمیشن کے 10 اکتوبر کے حکم کو اسلام آباد ہائیکورٹ میں چیلنج کررکھا ہے،مرکزی کیس 20 نومبر کو سماعت کے لیے مقرر ہے۔‎

موضوعات:اسلام آباد ہائی کورٹ