اسلام آباد (این این آئی)چیئرمین سینیٹ محمد صادق سنجرانی نے اپنی تنخواہ سے 20 ہزار روپے ماہانہ بنیاد پر سینیٹ سیکرٹریٹ ملازمین کے بہبود فنڈ میں دینے کااعلان کیا ہے ۔جمعرات کو چیئرمین سینیٹ محمد صادق سنجرانی کی سربراہی میں سینیٹ سیکرٹریٹ ملازمین کے بہبود فنڈ کی ایگزیکٹو کمیٹی کا اجلاس ہوا جس میں اظہار خیال کرتے ہوئے صادق سنجرانی نے کہاکہ سینیٹ کے ملازمین ادارے کا اثاثہ ہیں،سینیٹ ملازمین کی فلاح وبہبود

ہماری اولین ترجیح ہے۔ چیئرمین سینیٹ محمد صادق سنجرانی نے اپنی تنخواہ سے 20 ہزار روپے ماہانہ بنیاد پر فنڈ میں دینے کا اعلان کیا ہے ۔ صادق سنجرانی نے کہاکہ پارلیمانی اداروں کے کام کے طریقہ کو مد نظر رکھتے ہوئے ملازمین کی فلاح و بہبود انتہائی اہم ہے۔ صادق سنجرانی نے کہاکہ اراکین سینیٹ دل کھول کر عطیات دیں، بہتر فلاح و بہبود پیشہ وارانہ ذمہ داریوں کو احسن طریقے سے سرانجام دینے میں معاون ثابت ہوتی ہیں۔

موضوعات:صادق سنجرانی