اسلام آباد(مانیٹرنگ ڈیسک) قبرستان میں بچوں کی لاشیں کفن سمیت قبروں سے باہر آگئیں۔ میڈیا رپورٹس کے مطابق لاہور میں 4 روزکی بچی کو ایک روز پہلے دفنایا گیا اور اگلے دن جب لواحقین فاتحہ خوانی کے لیے پہنچے تو اس جگہ پر بڑی قبر دیکھ کر حیران رہ گئے۔ لواحقین پولیس کوساتھ لائے تو 3 بچوں کی کفن میں لپٹی ہوئی میتیں قبروں سے باہر پڑی تھیں۔جس کے بعد تفتیش

کی گئی تو اہل محلہ نے الزام عائد کیا کہ گورکن پیسے لے کر قبریں تبدیل کر دیتا ہے۔ پولیس حکام نے علاقہ فرید کالونی کے قبرستان کے گورکن کو حراست میں لے لیا اور بتایاکہ اس واقعہ کی تحقیقات کی جارہی ہیں گورکن قبریں تبدیل کرتا تھا یا لاشیں نکال کر بیچتا تھا اس بارے میں ابھی کچھ بھی کہنا قبل از وقت ہے۔واضح رہے کہ پاکستان کے دیگر شہروں میںبھی ایسے واقعات رونما ہو چکے ہیں ۔

موضوعات:قبرستان