اسلام آباد (آن لائن)پاکستان پیپلزپارٹی پارلیمٹیریز کی سیکریٹری اطلاعات ڈاکٹر نفیسہ شاہ نے عمران خان کے ایک ٹی وی انٹرویو جس میں انہوں نے بھارتی وزیراعظم مودی کو پاکستان میں ”را“کے ذریعے جاسوسی کروانے کی دعوت دی ہے پر ردعمل کا اظہار کرتے ہوئے کہا ہے کہ دشمن ملک کو جاسوسی کرنے کی دعوت دینا انتہائی خطرناک عمل اور ملکی سلامتی سے کھلواڑ ہے۔ ڈاکٹر نفیسہ شاہ نے عمران خان پر طنز کرتے ہوئے کہا ہے کہ

کیا عمران خان پاکستان میں مودی وائسرائے ہیں کہ انہیں را کے ذریعے پاکستانی کی جاسوسی کرنے کی دعوت دے رہے ہیں۔ ڈاکٹر نفیسہ شاہ نے کہا کہ عمران کان کے اس بیانیے سے یقینی طور پر کلبھوشن کیس سے ہمارا موقف کمزور ہوا ہے۔ ایک طرف کلبھوشن کو جاسوسی کرنے کے جرم میں سزائے موت دی جاتی ہے اور دوسری طرف سلیکٹڈ وزیراعظم بھارتی وزیراعظم کو پاکستان میں جاسوسی کی دعوت دے رہے ہیں۔

موضوعات:ڈاکٹر نفیسہ شاہ