اسلام آباد (این این آئی)وفاقی وزیر علی زیدی کی قیادت میں کراچی کو کوڑ ے سے پاک کرنے کی مہم تیز ہوگئی ،ہر شعبہ زندگی سے وابستہ صف اول کے پاکستانی مہم کی حمایت میں کھڑے ہوگئے ۔ تفصیلات کے مطابق علی زیدی نے 2 ہفتے میں کراچی کو کوڑے سے پاک کرنے کا اعلان کررکھا ہے ،مہم کی حمایت کرنے والوں میں نامورگلوکار علی ظفر اور سینئر کرکٹر

وہاب ریاض بھی پیش پیش ہیں ۔حبیب بنک لمیٹڈ، گلو کار شہزاد رائے، چیئر مین پشاور زلمی جاوید آفریدی، کرس جارڈن، ڈیوڈ مالان اور حسن علی سمیت درجنوں افراد اور کمپنیوں کا مہم کی حمایت کا اعلان کر دیا ۔سینئر اداکار، ڈرامہ نگار و میزبان انور مقصود نے علی زیدی کو خراج تحسین پیش کرتے ہوئے ویڈیو پیغام کے ذریعے کراچی کی صفائی کی مہم کی حمایت کا اعلان کیا ۔

موضوعات:علی زیدی