پاک فوج کو بدنام کرنے والوں کیخلاف ایکشن لینے کا وقت آگیا، وفاقی حکومت کامیر حاصل بزنجو کے بیان پر سخت کارروائی کا اعلان

2  اگست‬‮  2019

اسلام آباد(سی پی پی)وفاقی حکومت نے حاصل بزنجو کے بیان کیخلاف قرارداد مذمت لانے کا اعلان کر دیا۔معاون خصوصی برائے اطلاعات فردوس عاشق اعوان نے کہا ہے کہ شکست خوردہ عناصراپنی ہار کا بدلہ پاکستانی اداروں سے نہ لیں، حاصل بزنجو نے قیام پاکستان کے مہینے میں وفاق کی علامت پر حملہ کیا۔

ان کے بیان کی مذمت کیلئے قرارداد لائیں گے۔فردوس عاشق اعوان نے کہا ہے کہ ثابت ہو گیا نئے پاکستان میں کرپٹ قیادت نہیں چا ہیے، اپوزیشن کا ووٹ کو عزت دو کا بیانیہ آج دم توڑ گیا۔ ان کا تیر نشانے پر نہیں لگا بلکہ انہی کے سینے میں پیوست ہو گیا۔ اپوزیشن کی صفوں میں آج بغاوت ہو گئی۔سینیٹر حاصل بزنجو کے بیان پر ردعمل دیتے ہوئے فردوس عاشق نے کہا کہ ا نہوں نے قیام پاکستان کے مہینے میں وفاق کی علامت پر حملہ کیا، قومی اداروں کے سربراہان سے متعلق ایسی گفتگو ملکی مفاد کے خلاف ہے، حاصل بزنجو کے بیان کے خلاف مذمتی قرار داد لائیں گے۔ دریں اثناقومی ادارے کے سربراہ کے خلاف بیان پر وفاقی وزیر برائے آبی وسائل فیصل واوڈا نے اپنے ردعمل میں کہا ہے کہ پاک فوج کو بے شرم لوگ بدنام کرتے ہیں، اب افسوس نہیں ان کے خلاف ایکشن کا وقت آ گیا ہے۔وفاقی وزیر فیصل واوڈا نے ٹویٹر پر اپنے پیغام میں کہا کہ پہلے میمو گیٹ میں حسین حقانی جیسے غدار اور پھر ڈان لیکس کے ذریعے غداری، اب چوری بچانے اور بری طرح ہارنے کے بعد پاک فوج کے خلاف ہرزہ سرائی کرنے لگے۔پہلے میمو گیٹ میں حسین حقانی جیسے غدار، پھر ڈان لیکس کے ذریعے غداری اور اب چوری بچانے اور آج بری طرح ہارنے کے بعد فوج کیخلاف ہرزہ سرائی کرنے لگے۔

جہاں فوج کے جوان اپنی جانیں قربان کر رہے ہیں وہاں یہ بے شرم اسی فوج کو بدنام کرتے ہیں۔ اب صرف افسوس نہیں، ایکشن کا وقت ہے۔ فیصل واوڈا نے حاصل بزنجو کے خلاف ایکشن کا مطالبہ کرتے ہوئے کہا کہ” اب صرف افسوس نہیں، ایکشن کا وقت ہے”۔ وفاقی وزیر کا کہنا تھا کہ اپنی جانیں قربان کرنے والی فوج کو یہ بے شرم بدنام کرتے ہیں۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…