رحیم یار خان (این این آئی) وفاقی وزیر ریلوے شیخ رشید احمد کا کہنا ہے کہ مولانا بادشاہ آدمی ہیں اسمبلی میں نہیں آئے تو وہ سمجھتے ہیں سیاست میں اکھاڑ پچھاڑ کردینگے تو یہ ان کی بھول ہے ان کی اپنی اکھاڑ پچھاڑ ہوجائے گی عمران خان کی اسمبلی پانچ سال پورے کرے گی

اپوزیشن کے لوگ میڈیا میڈیا کھیل رہے ہیں ان چوروں نے اپنے دور میں غیر ضروری ریلوے اسٹیشن بنائے اربوں روپئے ان اسٹیشن پر لگائے جوکہ ان کی ضرورت نہیں تھی مہنگائی ان چوروں لٹیروں کی وجہ سے ہے اب پیسے واپس بھی نہیں کرتے بہت جلد یہ لوگ اپنے انجام کو پہنچ جائیں گے -ان خیالات کا اظہار انھوں نے رحیم یار خان اور ولہارریلوے اسٹیشن کے دورہ کے دوران گفتگو کرتے ہوئے کیا شیخ رشید احمدنے کہا ہے کہ سب سے زیادہ ٹریک اور سگنلز کا مسئلہ سکھر ڈویژن میں ہے پرانی کوچزکو بحال کرکے دس ارب کمایا ہے پچھلے سال سے ٹریک ایم ایل ون جس دن سے شروع ہوا ہے ریل کی ترقی ہوگی ایم ایل ون کا کام صادق آباد ریلوے اسٹیشن سے شروع ہوگا جو دنیا کا سب سے بڑا ٹریک بچھنے جارہاہے انھوں نے کہا کہ ولہارریلوے اسٹیشن حادثہ انسانی غلطی کا نتیجہ ہے انکوائری جاری ہے جس کی غلطی ہوگی قانون کے مطابق سزا دی جائے گی انھوں نے کھا کہ زخمیوں اور ٹرین حادثہ میں جاں بحق ہونے والوں کے لواحقین کو جلد انشورنس کی رقم ادا کردی جائے گی –

موضوعات:وفاقی وزیر ریلوے شیخ رشید احمد