اسلام آباد (این این آئی)پاکستان مسلم لیگ (ن) کی ترجمان مریم اورنگزیب نے معاون خصوصی شہزاد اکبر کی پریس کانفرنس پر ردعمل کا اظہار کرتے ہوئے کہاہے کہ ڈیلی میل کے خلاف ہتک عزت کے دعوے پر حکومت کس حیثیت جواب دے رہی ہے؟۔

ایک بیان میں انہوں نے کہاکہ ڈیلی میل کے خلاف شہباز شریف کے ہتک عزت کے دعوے پر شہزاد اکبر کی پریس کانفرنس کا کیا جواز بنتا ہے؟،دعوی ڈیلی میل کے خلاف ہوا ہے اور مرچیں حکومت کو لگی ہوئی ہیں؟،حکومت کی ٹانگیں اس لیے کانپ رہی ہیں کیوں کہ جھوٹی خبر حکومت نے چھپوائی ہے،سیکریسی ایکٹ کی خلاف ورزی کرتے ہوئے یے کہ مقدمہ کے قیدیوں اور حساس دستاویزات تک رسائی دی گئی،ابھی معاملہ زیر تفتیش ہے، انکوائری ختم نہیں ہوئی لیکن غیر ملکی رپورٹر کو رسائی دی گئی۔،میں نے پہلے دن کہا تھا اور آج بھی اس پر قائم ہوں کہ عمران صاحب نے شہزاد اکبر کے ذریعے برطانوی اخبار میں یہ جھوٹی خبر شائع کرائی،حکومت کو لگنے والی مرچی اچھی اس امر کا واضح ثبوت ہے،ثبوت ہوں تو حکومتیں پریس کانفرنسیں نہیں کیا کرتیں، ثبوت عدالتوں میں پیش کیا کرتی ہیں۔ انہوں نے کہاکہ حکومت یا شہزاداکبر کے پاس ثبوت ہیں تو پریس کانفرنس نہ کریں، عدالت میں پیش کریں،اگر حکومت کے پاس ثبوت ہوتے تو عمرے، حج اور دوروں کو نہ کھنگالا جارہا ہوتا۔ انہوں نے کہاکہ اگر حکومت کے پاس ثبوت ہیں تو عدالت میں کیوں پیش نہیں کرتے؟

موضوعات:مریم اورنگزیب