اسلام آباد( آن لائن ) سابق وزیراعظم شاہد خاقان عباسی کی احتساب عدالت میں پیشی کے موقع پر سابق وزیر اطلاعات مریم اورنگزیب نے احتساب جج بشیر خان کے ساتھ مکالمہ کرتے ہوئے کہا کہ احتساب عدالت میں میرے لئے خصوصی لفٹ کا بندوبست کیا جائے کیونکہ (ن) لیگ کا کوئی نہ کوئی لیڈر روزانہ احتساب عدالت میں آتا ہے اور دوسراشاہد خاقان عباسی کے ساتھ ملاقات کرنے والے

رشتہ داروں کے ساتھ میرا نام بھی لکھا جائے احتساب جج محمد بشیر نے مسکراتے ہوئے مریم اورنگزیب کے دونوں مطالبات تسلیم کر لئے عدالت کے عملہ کو ہدایت کی کہ ان کیلئے خصوصی لفٹ کا اہتمام کیا جائے اور شاہد خاقان عباسی کے ساتھ ملاقات کرنے والے رشتہ داروں میں مریم اورنگزیب کا نام بھی لکھا جائے ،جس پر مریم اورانگزیب نے جج بشیر کا شکریہ ادا کرتے ہوئے اپنی نشست پر بیٹھیں گئیں .

موضوعات:مریم اورنگزیب