ویڈیو سکینڈل،نواز شریف کے ساتھ اب کیا ہوگا؟شہباز شریف نے لندن میں دعویٰ کیاتوکیوں پھنس جائیں گے؟معروف قانون دان اعتزاز احسن نے بڑے دعوے کردیئے

  جمعرات‬‮ 18 جولائی‬‮ 2019  |  22:34

اسلام آباد (آن لائن) پیپلز پارٹی کے رہنما اعتزاز احسن نے کہاہے کہ ویڈیو سکینڈل سے نواز شریف کی سزا ختم نہیں ہوگی، مسلم لیگ ن کو ویڈیو سکینڈل کے ثبوت عدالت میں پیش کرنا ہونگے، شہباز شریف کہہ رہے ہیں کہ میں لندن میں دعویٰ کروں گا، یہ مجھے لندن میں دعویٰ کرکے دکھائیں، یہ اور پھنس جائیں گے۔نجی ٹی وی سے گفتگو کرتے ہوئے اعتزاز احسن نے کہا کہ جج نے حلف نامے پر اعتراف کیاہے کہ اس کی ملاقات نواز شریف سمیت مختلف لوگوں سے ہوئی لیکن ان سب باتوں کا نواز شریف کی سزا پر کوئی


اثر نہیں ہوسکتا، البتہ جج کونکالا جا سکتاہے، سولہ سال پہلے کی ویڈیو پر جج پر مقدمہ چلایا جا سکتا ہے۔انہوں نے کہا کہ اسلام آباد ہائیکورٹ جج کے معاملے کودیکھے گا اورہوسکتا ہے کہ جج کو ملازمت سے برطر ف کردے اور اس پر مقدمہ چلانے کے احکامات دیئے جائیں۔ ان کا کہنا تھا کہ ویڈیو سکینڈل سے نواز شریف کی سزا ختم نہیں ہوگی، مسلم لیگ ن کو ویڈیو سکینڈل کے ثبوت عدالت میں پیش کرنا ہونگے۔اعتزاز احسن نے کہاہے کہ شاہد خاقان عباسی نواز شر یف کا کیس مزید خراب کررہے تھے اور اب میں اس پر مزید کیا کہوں کہ وہ خود اندر چلے گئے ہیں۔ ان کا کہنا تھا کہ شہباز شریف کہہ رہے ہیں کہ میں لندن میں دعویٰ کروں گا، یہ مجھے لندن میں دعویٰ کرکے دکھائیں، یہ اور پھنس جائیں گے۔ ان کا کہنا تھا کہ شہباز شریف کہہ رہے ہیں کہ میں لندن میں دعویٰ کروں گا، یہ مجھے لندن میں دعویٰ کرکے دکھائیں، یہ اور پھنس جائیں گے

loading...