’پی ٹی ایم کی حمایت اورریاستی اداروں کے خلاف پوسٹ ‘ ایف آئی اے نے (ن) لیگ کا اہم رہنما گرفتار کر لیا

  منگل‬‮ 18 جون‬‮ 2019  |  14:59

لاہور(این این آئی )ایف آئی اے سائبر کرائم ونگ نے کارروائی کرتے ہوئے پی ٹی ایم کی حمایت اورریاستی اداروں کی مخالفت پوسٹ کرنے پر مسلم لیگ (ن) کے گوجرانولہ کے صدر وحید اصف بٹ کو گرفتارکر کے مقدمہ درج کرلیا ۔ڈپٹی ڈائریکٹر سائبر کرائم ونگ محمد اصف کے مطابق وحید اصف بٹ سوشل میڈیا پر پی ٹی ایم کے حق میں اورریاستی اداروں کے خلاف مہم چلا رہا تھا ۔ جس پر اس کےخلاف کارروائی کرتے ہوئے مقدمہ درج کیا گیا۔ ایف آئی اے افسران کا کہنا تھا کہ وحید اصف بٹ مسلم لیگ (ن) یوتھ ونگ گوجرانولہ کا


صدر ہے جس کے خلاف سابئیر کرائم ایکٹ کے تحت مقدمہ درج کیا گیا ہے ۔ ایف آئی اے حکام کا کہنا تھا کہ سوشل میڈیا پر ایسے افراد کے خلاف حکومتی احکامات پر کریک ڈائون کا سلسلہ جاری ہے اور اسی سلسلے میں وحید آصف بٹ کے خلاف قانونی کاروائی عمل میں لائی گئی۔

موضوعات:

loading...