پی ٹی آئی رکن اسمبلی خرم نواز نے کہا ایک لاکھ لے لو اور لاش اٹھا لو ، فرشہ کے والد کا انکشاف

  اتوار‬‮ 26 مئی‬‮‬‮ 2019  |  14:03

اسلام آباد (این این آئی)ننھی فرشتہ کے والد گل نبی نے انکشاف کیا ہے کہ تحریک انصاف کے ایم این اے خرم نواز نے ایک لاکھ روپے کی پیشکش کی۔ کہا پیسے لے لو اور دھرنے سے لاش اٹھا لو۔ نجی ٹی وی کے مطابق فرشتہ کے والد نے کہا کہ 15 سے 25 تاریخ ہوگئی، فرشتہ کا قاتل نہیں پکڑا جاسکا،کبھی سبزی والے تو کبھی کسی اور غریب کو پکڑا جارہا ہے۔انہوں نے کہاکہ پہلے دن بات سن لی جاتی تو آج جنگلوں میں نہ دوڑنا پڑتا۔دریں اثنا اسلام آباد میں زیادتی کے بعد قتل ہونے والی کم سن


بچی فرشتہ کے کیس سے متعلق معلومات فراہم کرنے والے کیلئے 10 لاکھ روپے انعام کا اعلان کیا ہے۔اسلام آباد پولیس نے بچی کے قاتلوں کی گرفتاری کیلئے عوام سے مدد کی اپیل کرتے ہوئے اشتہار جاری کردیا۔ اسلام آباد پولیس کے مطابق اطلاع فراہم کرنے والے شخص کا نام راز میں رکھا جائیگا، ملوث افراد کی اطلاع یا نشاندہی پر 10 لاکھ روپے انعام دیا جائے گا۔

موضوعات:

loading...