شبر زیدی کی بطورچیئرمین ایف بی آر تعیناتی ادارے میں بغاوت پھوٹ پڑی،ایسوسی ایشن کا اعلان جنگ

  منگل‬‮ 7 مئی‬‮‬‮ 2019  |  16:10

اسلام آباد ( ا ٓن لائن)وزیر اعظم عمران خان کی جانب سے شبر زیدی کو فیڈرل بورڈ آف ریونیو (ایف بی آر) کا چیئرمین تعینات کر نے پر ان لینڈ ریونیو آفیسرز ایسوسی ایشن نے عدالتی کارروائی کی دھمکی دے دی۔میڈیا رپورٹ کے مطابق ایسوسی ایشن کی جانب سے جاری بیان میںارشد علی حکیم کے کیس کا حوالہ دیتے ہوئے کہا گیا کہ ’ایسوسی ایشن سمجھتی ہے کہ نجی شعبے سے کسی شخص کے تقرر کا معاملہ پہلے ہی اسلام آباد ہائی کورٹ کے فیصلے کے ذریعے حل ہوچکا ہے۔یاد رہے ارشد علی حکیم جنہیں نجی شعبے سے لاکر ایف


بی ا?ر کا سربراہ بنایا گیا تھا، تاہم ان کی مدت ایک سال کے قلیل عرصے تک رہی اور ان لینڈ ریونیو سروس افسر کی جانب سے دائر درخواست پر اسلام آباد ہائی کورٹ نے اس تقرری کو غیر قانونی قرار دے دیا۔ عدالت کا یہ فیصلہ اب بھی ایک جگہ رکھتا ہے اور ایسوسی ایشن اب شبر زیدی کی تقرری کے خلاف اسی طرح کا کیس لانے کی دھمکی دے رہی ہے۔ایسوسی ایشن کے بیان میں کہا گیا کہ ’اس وقت حکومت کی جانب سے ہائی کورٹ کے اس فیصلے کو چیلنج نہیں کیا گیا جس میں پہلے ہی نجی شعبے سے تقرری کے لیے تفصیلات جاری کردی گئی تھیں‘۔ ساتھ ہی یہ بھی کہا گیا کہ اس مرتبہ ’نوٹیفکیشن جاری ہونے کے بعد ایسوسی ایشن توہین عدالت کی درخواست دائر کرے گی۔

موضوعات:

loading...