اسلام آباد(مانیٹرنگ ڈیسک)ن لیگ کے سابق رہنما رمیش کمار نے کیپٹن (ر)صفدر پر دہشت گردوں سے ملنے کا الزام عائد کر دیا۔نجی ٹی وی پروگرام میں جب رمیش کمار سے سوال کیا گیا کہ کیپٹن (ر) صفدر آپ کے بارے میں کہتے ہیں کہ آپ کھوٹے سکے ہیں جو کسی بھی مالک کی جیب میں چلے جاتے ہیں۔جس کا جواب دیتے رمیش کمار کا کہنا تھا کہ کیپٹن (ر) صفدر کوئی بندہ ہے جس کی آپ بات کر رہے ہیں۔کیپٹن (ر) صفدر وہ بندہ ہے جس نے قادیانیوں والے مسئلے میں کسی

کو خوش کرنے کے لیے تقریر کی۔ کیپٹن (ر) صفدر کبھی کسی دہشت گرد سے ملتا ہے تو کبھی کسی دہشت گرد سے ملتا ہے۔رمیش کمار نے مزید کہا کہ میں مسلم لیگ ن کا حصہ رہا ہوں اور میں نواز شریف کی بہت عزت کرتا ہوں لیکن کیپٹن (ر) صفدر کے لیے کوئی عزت نہیں ۔واضح رہے رمیش کمار وانکوانی2013ء کےالیکشن میں (ن) لیگ کی طرف سے قومی اسمبلی کے اقلیتی رکن کے طور پر کامیاب ہوئے تھے۔بعدازاں وہ تحریک انصاف میں شامل ہو گئے تھے ۔

موضوعات:رمیش کمار کیپٹن (ر) صفدر