ابھی تو اپوزیشن نے باؤلنگ ہی نہیں کرائی تو آدھی ٹیم ہٹ وکٹ ہوچکی ،عمران خان قوم کو بتائیں کون آپ کی حکومت گرارہا ہے؟ ن لیگ نے بڑا مطالبہ کردیا

19  اپریل‬‮  2019

لاہور ( این این آئی) پاکستان مسلم لیگ (ن) نے کہا ہے کہ ابھی تو اپوزیشن نے بولنگ ہی نہیں کرائی تو آ پ کی آدھی ٹیم ہٹ وکٹ ہوچکی ہے ،عمران خان صاحب آپ نے کہا کوئی آپ کی حکومت گرا رہا ہے ،قوم کو بتائیں کون آپ کی حکومت گرارہا ہے،آپ کی نالائقی ، نااہلی یا زبان؟،کپتان اتنا نالائق ہے کہ کوئی بھی کھلاڑی ٹیم کا حصہ بنے کو تیار نہیں۔

مسلم لیگ (ن) کی مرکزی ترجمان مریم اورنگزیب نے عمران خان کے خطاب پر اپنے رد عمل میں کہا کہ عمران صاحب کیا ہوا، خیریت تو تھی، بڑے پریشان تھے آپ ؟ ،اتنی گھبراہٹ اتنا غصہ کیا ہوا؟ ۔عمران خان صاحب آپ نے کہا کوئی آپ کی حکومت گرا رہا ہے قوم کو بتائیں کون آپ کی حکومت گرارہا ہے؟ ۔اس حکومت کو گرانے کے لئے آپ کی نالائقی ، نااہلی اور زبان ہی کافی ہے۔ابھی تو اپوزیشن نے بولنگ ہی نہیں کرائی تو آدھی ٹیم ہٹ وکٹ ہوچکی ہے ۔عمران صاحب پاکستان کے مفاد میں بیٹنگ آرڈر نہیں نالائق کپتان کی تبدیلی ہے،ٹیم کا کپتان ہی نالائق ہوتو ٹیم کیا کرے ؟ ،نالائق کپتان ہمیشہ نالائق ٹیم چنا کرتا ہے۔ انہوں نے کہا کہ عمران صاحب اب شور کرنے سے بات نہیں بنے گی، آپ کی نالائقی کی وجہ سے پچھلے 9 ماہ سے عوام جس کرب سے گزر رہی ہے آپ کو جواب دینا ہوگا ۔کابینہ میں ردوبدل کے بعد بزدار ، شاہ فرمان اور محمود خان گھبرانے والی فہرست میں شامل ہیں۔عمران خان صاحب کپتان اتنا نالائق ہے کہ کوئی بھی کھلاڑی ٹیم کا حصہ بنے کو تیار نہیں۔انہوں نے کہا کہ عمران صاحب نوجوان نوکری نہیں دعا مانگ رہے ہیں کہ آپ کی نوکری چلی جائے،پاکستان کی عوام جان چکی ہے کہ پاکستان ویسے ہی چل رہا ہے جیسے پشاور کی میٹرو چلی ہے ۔عمران صاحب پیسوں سے کچھ نہیں ہوتا اگر ہوتا تو پشاور میں ایک کھرب کے میٹرو کے کھڈے نہ ہوتے ۔انہوں نے کہا کہ نواز شریف نے کبھی نہیں کہا ملک چور ہے اور ملک کے پاس پیسے نہیں ،

سی پیک کا تحفہ دے کر ملک کو نا قابل تسخیر بنایا ۔نوازشریف نے پاکستان کے نوجوانوں کو امید دی ، اللہ تعالی کی مدد سے نا ممکن کو ممکن بنایا ۔نوازشریف نے 11ہزار میگاواٹ بجلی بناکر عوام کو لوڈشیڈنگ کی اذیت سے نجات دلائی ،نوازشریف نے 1700کلو میٹر موٹر ویز بنائیں، لاکھوں نوجوانوں کو روزگار دیا ، ملک کو دہشتگردی سے پاک کیا ،آپ کو شہباز شریف پر اِس لئے غصہ ہے کہ آپ شہباز شریف جیسی ایک میٹرو بھی نہ بنا سکے ۔عمران صاحب کابینہ کا حجم بڑھانے سے نہیں نیت ٹھیک کرنے سے کارکردگی بہتر ہوتی ہے۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…