اسلام آباد (این این آئی) پاکستان مسلم لیگ (ن)کے رہنما رانا ثناء اللہ نے کہا ہے کہ اسد عمر نے استعفیٰ دیا نہیں لیا گیا ہے،وزیر اعظم عمران خان کو بھی اب استعفیٰ دیدنا چاہیے، ملک کی موجودہ معاشی صورتحال حکومت کی نالائقی کی وجہ سے ہوئی ہے،پاکستان معاشی بحران کا مزید متحمل نہیں ہوسکتا۔

جمعرات کو پاکستان مسلم لیگ (ن)کے رہنما رانا ثناء اللہ نے اسد عمر کے استعفیٰ پر رد عمل کااظہار کرتے ہوئے کہاکہ اسد عمر نے استعفیٰ دیا نہیں لیا گیا ہے۔انہوں نے کہاکہ وزیر اعظم عمران خان کو بھی اب استعفیٰ دیدنا چاہیے ۔سابق وزیر نے کہاکہ اگر یہ حکومت رہی تو خدانخواستہ ملک کسی سانحہ سے دوچار پوسکتا ہے۔رانا ثناء اللہ نے کہاکہ پاکستان معاشی بحران کا مزید متحمل نہیں ہوسکتا۔انہوں نے کہاکہ ملک کی موجودہ معاشی صورتحال حکومت کی نالائقی کی وجہ سے ہوئی ہے۔انہوں نے کہاکہ اسد عمر حکومت کے 100 دن کے پلان کے منصوبہ ساز تھے۔انہوں نے کہاکہ حکومت نے سو روزہ پلان میں مکمل جھوٹ بولا اور عوام کو۔بیوقوف بنایا۔انہوں نے کہاکہ موجودہ حکومت کی معاشی پالیسیاں انتہائی تباہ کن ہیں۔انہوں نے کہاکہ اسد عمر کے استعفیٰ کی بنیاد پر عمران خان کو بھی استعفیٰ دینا چاہیے۔دوسری جانب اکستان مسلم لیگ ن کے صدر اور قائد حزب اختلاف شہباز شریف نے وزیر خزانہ اسد عمر کے وزارت چھوڑنے کے فیصلے پر رد عمل کا اظہار کرتے ہوئے کہاہے کہ پہلے دن کہا تھا پاکستان کی معیشت انا، ضد اور تکبر کی زد میں ہے ،عمران نیازی ضد، انا اور تکبر کو چھوڑ کر معیشت کو ترجیح دیں،مزید وقت ضائع کیا گیا تو ملک و قوم کو معاشی اقتصادی لحاظ سے سنگین نتائج جھیلنا پڑیں گے۔

جمعرات کو ایک بیان میں پاکستان مسلم لیگ ن کے صدر اور قائد حزب اختلاف شہباز شریف نے کہاکہ پہلے دن کہا تھا کہ پاکستان کی معیشت انا، ضد اور تکبر کی زد میں ہے ۔انہوں نے کہاکہ عمران نیازی صاحب ضد، انا اور تکبر کو چھوڑ کر معیشت کو ترجیح دیں۔ انہوں نے کہاکہ پہلے دن میثاق معیشت کی پرخلوص پیشکش کی تھی۔انہوں نے کہاکہ وقت ضائع نہ کیا جاتا تو ملک کو موجودہ معاشی تباہی کا سامنا نہ کرنا پڑتا۔ شہباز شریف نے کہاکہ مزید وقت ضائع کیا گیا تو ملک و قوم کو معاشی اقتصادی لحاظ سے سنگین نتائج جھیلنا پڑیں گے۔

موضوعات:(ن) لیگ