اب پاکستان کو ورلڈ کپ جیتنے سے کوئی نہیں روک سکتا، قومی ٹیم کی تیاریوں کا معاملہ وزیراعظم عمران خان نے اپنے ہاتھ لے لیا

  بدھ‬‮ 17 اپریل‬‮ 2019  |  22:14
لاہور(نیوز ڈیسک)ورلڈکپ کے لئے انگلینڈ روانگی سے پہلے قومی ٹیم جمعے کو پی سی بی کے پیٹرن انچیف وزیر اعظم عمران خان سے ملاقات کرے گی۔ذرائع کے مطابق انگلینڈ جانے والے کھلاڑی جمعرات کی سہ پہر اسلام آباد روانہ ہوں گے ،جمعہ کو وزیر اعظم ہاؤس میں ہونے والی اسینڈ آف تقریب کیلئے پی سی بی حکام نے تمام معاملات کو حتمی شکل دے دی ہے۔1992 ورلڈکپ کی فاتح ٹیم کے کپتان وزیر اعظم عمران خان قومی کرکٹرز سے خصوصی خطاب کریں گے ،اس ملاقات کا مقصد کھلاڑیوں کو ورلڈکپ کی اہمیت سے آگاہی کے ساتھ ان کے اعتماد میں اضافہ کرنا ہے۔ قومی ٹیم کی 23 اپریل کو لندن روانگی طے ہے۔ ایک رپورٹ کے مطابق وزیراعظم عمران خان پاکستانی کرکٹرز کو خصوصی مشورے بھی دیں گے اور وہ دورہ انگلینڈ اور ورلڈ کپ کے دوران کرکٹ ٹیم کی کارکردگی پر بھی نظر رکھیں گے، خصوصاً دورہ انگلینڈ کے دوران ٹیم کی تیاریوں پر خصوصی نظر رکھیں گے تاکہ ورلڈ کپ میں ٹیم اچھی کارکردگی دکھا سکے۔ واضح رہے کہ پاکستان کرکٹ بورڈ کے پیٹرن انچیف وزیر اعظم عمران خان نے کرکٹ بورڈ کی کارکردگی پر چیئر مین سے انتہائی ناراضگی کا اظہار کرتے ہوئے احسان مانی کو ملاقات کے لیے طلب کرلیا ہے۔ذرائع کے مطابق وزیر اعظم نے کرکٹ بورڈ کے ایم ڈی وسیم خان کو20لاکھ روپے تنخواہ دینے کے فیصلے پر برہمی کا اظہار کرتے ہوئے کہا کہ وہ پی سی بی کے اخراجات میں کمی دیکھنا چاہتے ہیں تاہم احسان مانی نے وسیم خان کی تنخواہ20روپے مقرر کردی ہے جو ناقابل قبول ہے۔عمران خان نے کوئٹہ میں پی سی بی کے گورننگ بورڈ کے اجلاس کے دوران ہونے والے واقعات پر بھی برہمی کا اظہار کیا ہے ۔ ذرائع کے مطابق چیئرمین پی سی بی احسان مانی جلد وزیراعظم عمران خان سے ملاقات کریں گے اور انہیں پاکستان کرکٹ بورڈ کی جانب سے پیٹرن انچیف کے ویژن کے مطابقنئے ڈومیسٹک سٹرکچر کے بارے میں آگا ہ کرنے کے ساتھ ساتھ ملک میں انٹر نیشنل کرکٹ کی بحالی کے حوالے سے جاری پیشرفت سے بھی آگاہ کریں گے ۔یاد رہے کہ وزیر اعظم عمران خان نے پی سی بی کو ڈیپارٹمنٹل کرکٹ ختم کرکے محض6فرسٹ کلاس ٹیموں پر مشتمل ڈومیسٹک سٹرکچر بنانے کا حکم دیا تھا ،پی سی بی کے پیٹرن انچیف کا کہنا تھا کہ کم مگر میعاری کرکٹ سے پاکستان کو مستقبل میں اچھے کرکٹرز ملیں گے ۔

loading...