اسلام آباد کی جانب ملین مارچ کا حتمی فیصلہ ،ن لیگ اور پیپلزپارٹی سمیت اپوزیشن جماعتیں متفق، دھماکہ خیز اعلان کردیاگیا

13  اپریل‬‮  2019

اسلام آباد (این این آئی) جمعیت علمائے اسلام (ف)کے سربراہ مولانا فضل الرحمن نے ملک میں نئے انتخابات کا مطالبہ کرتے ہوئے واضح کیا ہے کہ ان ہاؤس تبدیلی سے مسئلہ حل نہیں ہوگا ،جب تک انتخابات نہیں کروائے جائینگے غیر یقینی کی صورتحال میں اضافہ ہوتا جائے گا،اسلام آباد کی جانب ملین مارچ کا فیصلہ حتمی ہے ، کسی صورت اپنے پلان سے پیچھے نہیں ہٹیں گے، (ن)لیگ اور پیپلز پارٹی ہمارے ساتھ ہے ، عوامی ایشوز پر باہر نکلیں گے ،18 ویں ترمیم کو واپس لینے سے فائدہ کی بجائے نقصان ہوگا ۔

ہفتہ کو یہاں اپنی رہائش گاہ پر صحافیوں سے غیر رسمی گفتگو کرتے ہوئے انہوں نے کہاکہ ملک بحران کا شکار ہوچکا، کاروبار سمیت ہر چیز تباہی کے دہانے پر پہنچ گئی ۔ انہوں نے کہاکہ ایسی حکومت ہی صرف نا اہل نہیں بلکہ عمران خان کو لانے والے بھی آج پریشان ہیں ۔انہوں نے کہاکہ ان ہاؤس تبدیلی سے مسئلہ حل نہیں ہوگا، موجودہ صورتحال سے نکلنے کا واحد راستہ نئے انتخابات ہیں۔ انہوں نے کہاکہ جب تک انتخابات نہیں کروائے جائینگے غیر یقینی کی صورتحال میں اضافہ ہوتا جائے گا۔ انہوں نے کہاکہ اسلام آباد کی جانب ملین مارچ کا فیصلہ حتمی ہے ، کسی صورت اپنے پلان سے پیچھے نہیں ہٹیں گے۔ انہوں نے کہاکہ مسلم لیگ ن اور پاکستان پیپلز پارٹی بھی ہمارے ساتھ ہے ۔ مولانا فضل الرحمن نے کہاکہ ہم عوامی ایشوز پر باہر نکلیں گے ، قائدین نہ بھی نکلے تو عوام ہمارے ساتھ ہوگی ۔ سربراہ جے یو آئی (ف) نے کہاکہ میری اپنی اس ملک میں سیاسی حیثیت ہے، میرے ساتھ 10 لاکھ سے زائد افراد ہیں، میں کسی کا محتاج نہیں ۔ انہوں نے کہاکہ مدارس کے طلبا کو کبھی سیاسی مقاصد کے لئے استعمال نہیں کیا۔انہوں نے کہاکہ جو لوگ سیاست دانوں کو عزت نہیں دیتے اور انہیں ملزم بناتے ہیں ان کی عزت کیسے کی جائے؟ ۔انہوں نے کہاکہ 18 ویں ترمیم نے صوبوں اور وفاق کو مضبوط کیا ہے، اس ترمیم کو واپس لینے سے فائدہ کی بجائے نقصان ہوگا ۔ انہوں نے کہاکہ جے یو آئی اب اس جگہ پہنچ چکی ہے جہاں ہم نے عوام کو متحرک کردیا ہے،

اب دیگر سیاسی قوتیں خودبخود ہمارے ساتھ چلیں گی۔ انہوں نے کہاکہ عالمی طاقتوں نے ہمیشہ اسلامی ممالک میں تقسیم کی سازش کی، آج لیبیا اور سوڈان کی صورتحال کی وجہ بھی یہی ہے ۔ انہوں نے کہاکہ سامراجی قوتوں نے ہی افریقی ممالک، سلطنت عثمانیہ اور عرب ریاستوں کو تقسیم کیا ۔ انہوں نے کہاکہ بین الاقوامی تناظر میں ہمیں بھی اپنے ارد گرد نظر رکھتے ہوئے ہوش کے ناخن لینا ہونگے۔قبل ازیں سابق صدر آصف علی عیادت کے مولانا فضل کی رہائش گاہ پہنچے انہوں نے مولانا کی مزاج پرسی اور خیریت دریافت کی۔ آصف علی زرداری کے ہمراہ راجہ پرویز اشرف ، ڈاکٹر قیوم سومرو ، سردار علی خان بھی تھے جبکہ ملاقات کے موقع پر مولانا لطف الرحمٰن ، مولانا عبدالواسع ، مولانا اسعد محمود ودیگر موجود بھی موجود تھے۔۔ آصف علی زرداری اور مولانا فضل الرحمان کے مابین سیاسی صورتحال پر بھی بات چیت ہوئی۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…