پشاور، بی آرٹی بس سروس شروع ہونے سے پہلے ہی بڑے تنازعے کا شکار ہوگئی، اعتراض کرنے والے علاقہ مکینوں کابس اسٹیشن پرحملہ، حیرت انگیز صورتحال،سیکورٹی گارڈز دیکھتے رہ گئے

  اتوار‬‮ 24 مارچ‬‮ 2019  |  20:57
پشاور (این این آئی) صوبائی دارالحکومت پشاورمیں بی آرٹی بس اسٹیشن کے نام پر اعتراض کرنے والے علاقہ مکیں وں نے چمکنی بس اسٹیشن پردھاوابول دیا، مکینوں نے بی آر ٹی اسٹیشن کے نام سے متعلق تمام بورڈز اور اسٹکرز ہٹادئیے، موقع پر موجود سیکورٹی گارڈز دیکھتے رہ گئے۔ نجی ٹی وی کی رپورٹ کے مطابق مظاہرین نے کہا کہ ہم نے بارہا انتظامیہ سے کہا کہ اس اسٹیشن کا نامسردار گڑھی رکھا جائے تاہم ہمارے علاقے کو نظر انداز کردیا گیا اور ہماریک ایک نہ سنی گئی۔ مشتعل افراد نے سیکورٹی گارڈز کی موجودگی میں نوتعمیرشدہ اسٹیشن کے نام کے بورڈز پھاڑدئیے۔پولیس کے مطابق پشاورڈویلپمنٹ اتھارٹی حکام کی جانب سے ان افراد کے خلاف کارروائی کی درخواست کردی گئی ہے۔ ویڈیو میں نظر آنے والے حملہ آور افراد کی نشاندہی کرکے ان کے خلاف مقدمہ درج کیا جائیگا۔

loading...