جعلی ویزوں پر یورپ جانیوالے 2 ملزمان کو بھاری جرمانے کی سزائیں سنادی گئیں

  جمعہ‬‮ 22 فروری‬‮ 2019  |  22:51

لاہور (آن لائن) جعلی ویزوں پر یورپ جانے والے 2 ملزمان کو 85،85 ہزار روپے جرمانے کی سزائیں سنا دی گئیں۔ سپیشل سینٹرل عدالت کے جج محمد رفیق نے ملزمان محمد یوسف اور محمد عبداللہ کو جرمانے کی سزائیں سنائیں۔ایف آئی اے کا کہنا ہے کہ ملزمان ایجنٹ ساجد کو فی شخص 4 لاکھ 25 ہزار روپے دے کر یورپ جانے کی کوشش کر رہے تھے۔ملزمان ایران، ترکی اور بوسنیا کے راستے یورپ جا رہے تھے۔بوسنیا کے ایمگریشن حکام نے جعلی ویزوں کی بنا پر ڈی پورٹ کر دیا۔ملزمان کو لاہور ائر پورٹ سے گرفتار کر کے عدالت میں پیش


کیا۔ یونان سے ڈی پورٹ ہو کر آنے والے دو ملزمان وسیم اکرم وغیرہ کو 25،25 ہزار روپے جرمانے کی سزائیں سنائیں۔

موضوعات:

loading...