اسلام آباد(این این آئی)وزیر اعظم کے معاون خصوصی نعیم الحق نے کہا ہے کہ شہباز شریف کی ضمانت کے فیصلے کا احترام کرتے ہیں،امید کرتے ہیں شہباز شریف اپوزیشن کا کردار بہتر انداز میں ادا کریں گے۔ میڈیا سے بات چیت کرتے ہوئے نعیم الحق نے کہاکہ تحریک انصاف قومی اسمبلی کو نئے اور مثبت انداز میں چلانا چاہتی ہے۔ نعیم الحق نے کہا کہ پیر کو حکومت اور اپوزیشن

کا اجلاس ہوگا۔ نعیم الحق نے کہاکہ اگر اپوزیشن نے مثبت رویہ اختیار کیا تو عمران خان بھی ایوان میں خطاب کریں گے۔ نعیم الحق نے کہاکہ میڈیا سیاسی قائدین کے گرما گرم بیانات کو اہمیت نہ دے۔ نعیم الحق نے کہاکہ شہباز شریف کو پی اے سی کی چئیرمین ہٹانے پر کبھی سنجیدگی سے غور ہی نہیں ہوا۔ نعیم الحق نے کہاکہ پیر کو اپوزیشن سے اجلاس میں مثبت انداز میں آگے بڑھنے پر اتفاق ہوگا۔

موضوعات:نعیم الحق