سانحہ ساہیوال پر بنی جے آئی ٹی کا گولیوں سے چھلنی متاثرہ گاڑی کا جائزہ ، جانتے ہیں کل کتنی گولیاں ماری گئیں؟

  جمعرات‬‮ 24 جنوری‬‮ 2019  |  16:16
ساہیوال(اے این این)سانحہ ساہیوال کی تحقیقات کرنے والی جے آئی ٹی نے واقعہ میں متاثرہ گاڑی کا معائنہ کیا جس سے گولیوں کے 52 خول اکٹھے کئے گئے، 46 گولیاں ایس ایم جی اور 6 گولیاں نائن ایم ایم سے فائر کی گئی تھیں۔سانحہ ساہیوال کی تحقیقات کے لئے جے آئی ٹیم ساہیوال پہنچی جہاں مزید عینی شاہدین کے بیانات قلمبند کئے گئے۔ جے آئی ٹی اراکین نے جائے وقوعہ کا باریک بینی سے جائزہ لیا اور گولیوں سے چھلنی متاثرہ گاڑی کا بھی معائنہ کیا۔گاڑی پر 52 گولیوں کے نشانات ملے ہیں جن میں سے 46 گولیاں ایس ایم جی اور 6 گولیاں نائن ایم ایم سے فائر کی گئی تھیں۔ جے آئی ٹی کی آمد کے موقع پر سخت حفاظتی انتظامات کئے گئے تھے، آر پی او ساہیوال شارق کمال بھی جائے وقوعہ کا جائزہ لینے موقع پر آئے۔سانحہ ساہیوال میں ملوث سی ٹی ڈی اہلکاروں کو تھانہ نورشاہ منتقل کر دیا گیا تھا، تھانے کے گرد بھاری نفری تعینات ہے۔ متاثرہ گاڑی کو بھی کرائم سین سے تھانہ یوسف والا منتقل کر دیا گیا۔

موضوعات:

loading...