وزیر اعلیٰ پنجاب عثمان بزدار نے ہسپتال میں زخمی بچے کو پھول کیوں پیش کئے؟تحریک انصاف کے رکن قومی اسمبلی ریاض فتیانہ بھی مخالفت میں بول پڑے

  منگل‬‮ 22 جنوری‬‮ 2019  |  23:00

اسلام آباد ( آن لائن)تحریک انصاف کے رکن قومی اسمبلی ریاض فتیانہ نے کہاہے کہ وزیر اعلیٰ عثمان بزدار ہسپتال پھول لیکر نہیں گئے تھے ، یہ الگ بات ہے کہ کسی نے پکڑا دیئے اور وزیر اعلیٰ نے پیش کردیئے ، وزیر اعلیٰ کو یہ پھول پیش نہیں کرنا چاہئے تھے۔نجی ٹی وی سے گفتگو کرتے ہوئے ریاض فتیانہ نے کہا کہ سی ٹی ڈی ہم کو ورثے میں ملی ہے اور ہم اس میں اصلاحات لا رہے ہیں۔ انہوں نے کہا کہ وزیر اعلیٰ عثمان بزدار ہسپتال پھول لیکر نہیں گئے تھےوہ سانحہ ساہیوال میں زخمی بچوں کی

عیادت کرنے گئے تھے ، یہ الگ بات ہے کہ کسی نے پکڑا دیئے اور وزیر اعلیٰ نے پیش کردیئے۔انہوں نے کہا کہ وزیر اعلیٰ کویہ پھول پیش نہیں کرنا چاہئے تھے ، عثمان بزدار کی نیت ٹھیک ہے ، وہ ایک شریف آدمی ہیں ، کسی چھوٹے اہلکار نے ہوشیاری دکھائی ہوگی اور وزیر اعلیٰ کو پھول پکڑا دیئے ہونگے۔ انہوں نے کہا کہ مسلم لیگ ن کی پارٹی نے قانون بنایا تھا کہ سیدھی گولی مارو ، ہم اب چیزوں کو ٹھیک کررہے ہیں۔

آج کی سب سے زیادہ پڑھی جانے والی خبریں