پنجاب پولیس کا ایک اور کارنامہ، ملزم نہ ملنے پر بہن کا جہیز ساتھ لے گئے،افسوسناک واقعہ

  منگل‬‮ 22 جنوری‬‮ 2019  |  22:05
چنیوٹ (این این آئی) چنیوٹ میں میں مطلوب ملزم نہ ملنے پر پولیس اہلکار اس کی بہن کے جہیز کا فرنیچر اٹھا کر لے گئے۔تفصیلات کے مطابق چنیوٹ کے محلہ نور والا میں حسن اور ساجد کے درمیان ابلے ہوئے انڈوں پر جھگڑا ہوا تھاجس پر ساجد کے والدین نے ملزم حسن کیخلاف تھانے میں شکایت درج کرائی تھی۔حسن کی والدہنے الزام لگایا کہ پولیس نے بیٹے کی گرفتاری کیلئے چھاپہ مارا تھالیکن بیٹے کی عدم موجودگی پر پولیس بیٹی کے جہیز کا سامان اٹھا کر لے گئی ہے۔ انہوں نے بتایا کہ میری بیٹی کی اگلے ہفتے شادی ہے۔پولیس کا کہنا ہے کہ جہیز کا فرنیچر مال مقدمہ کے طور پر اٹھایا ہے، ملزم حسن کے پیش ہونے پر سامان واپس کردیا جائیگا۔

loading...