اسلام آباد(مانیٹرنگ ڈیسک)نواز شریف کو جیل کی روٹی بھا گئی، گھر سے کھانا آنے کے باوجود روٹی جیل کے تندور سے منگوا کر کھاتے ہیں۔ مقامی اخبار کی رپورٹ کے مطابق جیل کی روٹی سابق وزیراعظم نواز شریف کےمن کو بھاگئی ہے ،سالن گھر سے آنے کے باوجود جیل کے کچن کی روٹی منگوا کر کھاتے ہیں۔ قائد مسلم لیگ ن نواز شریف گھر سے صرف

دوپہر کا کھانا، صبح کے ناشتہ میں انڈہ، بریڈ اور رات کے کھانے کیلئے سالن گھر سے منگواتے ہیں جبکہ روٹیاں جیل کے کچن سے منگواتےہیں۔ سابق وزیراعظم نواز شریف نے ملاقات ختم ہونے کے بعد جیل کا کچن دیکھنے کی بھی فرمائش کی جس پر جیل سپرنٹنڈنٹ نے نواز شریف کو کچن بھی دکھایا۔ ذرائع کا کہنا ہے کہ اڈیالہ جیل میں بھی نواز شریف جیل کی روٹیاں منگواکر کھاتے تھے۔

موضوعات:جیل روٹی نواز شریف