بعض خواہشیں، خواہشیں ہی رہ جاتی ہیں!! چیف جسٹس ریٹائرمنٹ سے پہلےکونسا کام ہوتے دیکھنا چاہتے تھے کیس کی سماعت کے دورانکیا ریمارکس دے دئیے؟

  جمعہ‬‮ 11 جنوری‬‮ 2019  |  18:07

اسلام آباد(نیوز ڈیسک ) سپریم کورٹ نے نئی گج ڈیم تعمیر کیس میں وزیرخزانہ اسد عمر اور وزیرتوانائی عمر ایوب کو منگل کو طلب کر لیا ،چیف جسٹس ثاقب نثار نے ریمارکس دیے خواہش تھی کہ میرے ہوتے ہوئے معاملہ حل ہو جاتا مگر بعض خواہشیں خواہشیں رہ جاتی ہیں۔ جمعہ کو سپریم کورٹ آف پاکستان کے دو رکنی بینچ نے نئی گاج ڈیم کی تعمیر سے متعلق کیس کی سماعت کی جس میں ایڈیشنل اٹارنی جنرل ساجد الیاس بھٹی سمیت دیگر فریقین پیش ہوئے۔ایڈیشنل اٹارنی جنرل نے عدالت کا بتایا کہسی ڈی ڈبلیو پی کی میٹنگ میں ڈیم کی

تعمیر کرنے کی سفارش ایکنک کو کردی گئی ہے چیف جسٹس نے ریمارکس دیے کہ اس طرح تومعاملہ ایکنک میں جاکر پھنس جائیگا۔ آئندہ پیر تک سی ڈی ڈبلیو پی کے اجلاس کے منٹس عدالت میں پیش کیے جائیں۔چیف جسٹس ثاقب نثار نے سماعت کے دوران ریمارکس دیے خواہش تھی کہ میرے ہوتے ہوئے معاملہ حل ہو جاتا مگر بعض خواہشیں خواہشیں رہ جاتی ہیں۔بینچ کے رکن جسٹس اعجازالاحسن نے ریمارکس دیے کہ آپ کا ابھی ایک ہفتہ باقی ہے۔

موضوعات:

آج کی سب سے زیادہ پڑھی جانے والی خبریں