الیکشن کمیشن نے وزیراعظم عمران خان اور وفاقی وزیر فیصل واوڈا کے اثاثوں کی تفصیلات پیپلز پارٹی کو فراہم کر دیں 

  بدھ‬‮ 26 دسمبر‬‮ 2018  |  20:38
اسلام آباد (این این آئی)الیکشن کمیشن نے وزیراعظم عمران خان اور وفاقی وزیر فیصل واوڈا کے اثاثوں کی تفصیلات پیپلز پارٹی کو فراہم کر دی ہیں۔الیکشن کمیشن نے پاکستان پیپلزپارٹی کی جانب سے جمع کرائی گئی درخواست منظور کر لی ہے ٗدرخواست میں پاکستان پیپلز پارٹی نے وزیراعظم عمران خان اوروفاقی وزیر برائے آبی وسائل فیصل واوڈا کے اثاثوں کی تفصیلات فراہمی کا مطالبہ کیا گیا تھا۔الیکشن کمیشن نے عمران خان کے 2002ء سے 2018ء جبکہ فیصل واوڈا کی 2018ء کے اثاثوں کی مصدقہ نقوق فراہم کر دی ہیں۔ پیپلز پارٹی نے پانچ روز قبل اثاثوں کی تفصیلات فراہمی کیلئے درخواست دی تھی۔

موضوعات:

loading...