کراچی(نیوز ڈیسک)پاکستان پیپلزپارٹی کی اعلی قیادت نے سندھ حکومت کو حکومتی محاذ پر سرگرم ہونے کا ٹاسک دے دیا،صوبائی وزراء اور اہم رہنمائوں کو متحرک رہنے کی ہدایت بھی کی گئی ہے۔ذرائع کے مطابق پیپلزپارٹی کی اعلی قیادت نے صوبائی وزراء، اہم رہنمائوں کو متحرک ہونے اور رابطہ مہم تیز کرنے کا ہدف دیا ہے، پارٹی قیادت کے خلاف کیسز اور نئے الزامات سے متعلق بھی حکمت عملی مرتب کرنے کی تلقین کی گئی ہے۔ذرائع نے بتایاکہ متوقع صورت حال کے پیش نظر

جیالوں نے سیاسی باگ ڈور سنبھالنے کی حکمت عملی طے کرنے کی کوششیں شروع کردی ہیں، جبکہ صنم بھٹو بھٹوخاندان اور بینظیربھٹو کے بچوں کی دیکھ بھال کریں گی۔بلاول بھٹو پارلیمانی، سیاسی اور پارٹی محاذ سنبھالیں گے، سندھ کابینہ ارکان وفاق کے ساتھ زیرالتوا امور کو عوام کے سامنے لائیں گے۔ذرائع نے بتایاکہ گذشتہ روز بلاول بھٹو سے دن بھر پارٹی کے اہم رہنمائوں کی ملاقات ومشاورت کی، بلاول بھٹو سے سندھ حکومت کے اہم وزرا نے بھی طویل ملاقاتیں کیں۔

موضوعات:بلاول پیپلزپارٹی صنم بھٹو